A asociación Fervenza de Sargadelos organizará o vindeiro xoves, 31 de outubro, a primeira edición do Samaín de Cervo.
O evento, que se celebrará no Ecomuseo Terras de Azul Cobalto, comezará ás 18.45 horas, coa actuación do Mago Pi. Ás 20.00 horas, os asistentes poderán desfrutar dunha chocolatada.
BASES
A partir das 20.30, comezará o concurso de disfraces. Cada participante no certame deberá ir disfrazado conforme á temática da festa e incluír unha cabaza personalizada para a ocasión.
PREMIOS
A asociación repartirá dous premios, que consistirán en paseos a cabalo no centro equino de Sargadelos Cabaliño de Pao.
DESFILE
Para rematar, desde as 21.00 horas empezará a estántiga das ánimas, que seguirá polo Rego Cachón para acabar na Praza do Souto.
Colaboran no evento o Concello de Cervo, O Caseto de Copa e Cabaliño de Pao.